"Бавария" ҳимоячиси Бенжамин Павар ҳайдовчилик гувоҳномасидан маҳрум қилинди, деб хабар беради Bild.
Тахминан бир ярим ой олдин полиция футболчини маст ҳолатда машина ҳайдагани учун қўлга олди.
Клуб футболчини жаримага тортди. "Бавария" спорт директори Ҳасан Салиҳамиджич воқеадан икки кун ўтиб Павардан "беш рақамли суммани" ундиришни талаб қилди.
Аввалроқ, 26 ёшли франциялик Мюнхен клубидаги мавқеидан норози экани маълум бўлганди.
Жорий мавсумда Павар 17 та ўйинда майдонга тушиб, 3 та гол урди. Transfermarkt портали футболчини 30 миллион еврога баҳоламоқда.
