Франция терма жамоаси дарвозабони Уго Льорис ярим ҳимоячи Поль Погбанинг жароҳати ҳақида фикр билдирди. Погба жароҳат сабаб 2022 йилги Жаҳон чемпионатини ўтказиб юборади.
"Мен Поль Жаҳон чемпионатига боришини кутгандим. Погба биз учун муҳим футболчи. У бир неча ойдан бери жароҳатлардан азият чекмоқда, ўтган мавсумда ҳам муаммолари бор эди. Бу жамоамиз учун катта йўқотиш. Энди мураббийлар штаби кимни таркибга қўйиш борасида қийин танлов олдида турибди", - деди Льорис Lequipe билан суҳбатда.
Погба менискус жароҳати ва жарроҳлик амалиёти туфайли жорий мавсумда бирорта ҳам ўйин ўтказмади.
