Мюнхеннинг "Бавария" клуби устози Юлиан Нагельсманн елкасидан жароҳат олган жамоа дарвозабони Мануэль Нойернинг соғлиғи ҳақида гапирди.
"Мен ҳаммани тинчлантирмоқчиман. Сўнгги бир неча кун ичида Нойер яхши тузалиб бормоқда, у машғулотларни қисман бошлади. Мануэль ҳафта охирида "Герта"га қарши ўйнай олишини истисно қилмайман. Биз унинг ҳолатини ҳар куни кузатиб борамиз", - деди "Бавария" устози Sport1.de билан суҳбатда.
Германия чемпионатининг 13-туридан ўрин олган “Герта” ва “Бавария” жамоалари ўртасидаги ўйин 5 ноябрь куни бўлиб ўтади.
36 ёшли дарвозабон жорий мавсумда Бундеслигада 9та ўйинда майдонга тушди ва 8та гол ўтказиб юборди.
