Микель Артета "Барселона" бош мураббийи бўлиш имконияти ҳақида фикр билдирди.
Аввалроқ Каталония клуби Артетани келажак учун мураббий сифатида кўраётгани ҳақида хабар берилганди. "Барселона"га нафақат Артетанинг қўл остидаги "Арсенал"ни ўйини, балки унинг жамоани бошқариш услуби ҳам ёқади.
"Мен "Арсенал"да эканлигимдан жуда хурсандман ва фахрланаман.
"Барселона" феноменал мураббий билан тўғри йўлда. Клуб афсонаси бўлган ва уни ўзгартирган мураббий. Мен уни жуда ҳурмат қиламан", - деди “канонирлар” бош мураббийи.
Айни дамда Лондон клуби 12 ўйинда 31 очко жамғариб, АПЛ турнир жадвалида биринчи ўринда бормоқда.
