"Реал" бош мураббийи Карло Анчелотти ҳужумчи Карим Бензема "Райо Вальекано"га қарши ўйинда иштирок этишга тайёрлигини айтди. Испания чемпионатининг навбатдаги тур ўйини 8 ноябрь, сешанба куни Тошкент вақти билан соат 01:00да бўлиб ўтади.
"Бензема бугун ўзини яхши ҳис қилди. У душанба куни "Райо Вальекано"га қарши ўйнайди", - деди Анчелотти "Селтик"га қарши Чемпионлар лигаси ўйинидан сўнг матбуот анжуманида.
Карим Бензема кеча жароҳат туфайли уч ўйиндан кейин майдонга қайтди. Футболчи учрашувнинг 67-дақиқасида захирадан майдонга тушди, бироқ гол ура олмади.
