"Челси"нинг чап қанот ҳимоячиси Бен Чилуэлл кеча Чемпионлар лигаси гуруҳ босқичидан ўрин олган Загребнинг "Динамо" жамоасига қарши ўйинда жароҳат олди. Буни матбуот анжуманида бош мураббий Грэм Поттер тасдиқлади.
"Мен Бен билан гаплашдим, унинг ҳафсаласи пир бўлди. Вазият унчалик ижобий эмас. Бу сон жароҳати, аммо тикланиш муддатини айтишдан олдин уни чуқурлаштирилган тиббий кўрикдан ўтказишимиз керак" - деди Поттер.
Эслатиб ўтамиз, Чилуэлл тиззасидан олган жароҳати туфайли ўтган мавсумнинг аксарият қисмини ўтказиб юборган эди. Ҳимоячи ҳисобида АПЛнинг жорий мавсумида битта гол ва битта голли узатма бор.
