"Реал Мадрид" бош мураббийи Карло Анчелотти Чемпионлар лигасида 102 та ғалаба қозонган Алекс Фергюсоннинг рекордини такрорлади.

Мадридликлар мураббийи бу борада гапирди. У қитъанинг энг кучли клублар ўртасидаги турнирида 200 та ғалабага эришмоқчиман, деб ҳазил қилди.

“Келинг, 200лик довонни кўзлаймиз! Ўйлайманки, мен яхши формадаман”, - дейди Анчелотти журналистларга.

Карло Анчелотти Чемпионлар лигасида 200 та ғалабага эриша олиши даргумон, чунки яқин йилларда у мураббийлик фаолиятини якунлайди.