"Манчестер Сити" ҳужумчиси Эрлинг Холанднинг Англия Премьер-лигасидаги сўнгги рекордлари унинг тахминий қийматига катта таъсир кўрсатди.
Transfermarkt маълумотларига кўра, норвегиялик футболчи 20 миллион еврога қимматлашган, ҳозир унинг нархи 170 миллион еврони ташкил этади.
Бу эса айни дамда уни дунёдаги энг қиммат футболчига айлантиради. Холанд бу кўрсаткич бўйича «ПСЖ» ҳужумчиси Килиан Мбаппени ортда қолдирди, унинг нархи ўзгармади - 160 миллион евро.
"Реал Мадрид" вингери Винисиус Жуниор учинчи поғонада қолди - 120 миллион евро.
Жорий мавсумда Холанд клуби сафида барча мусобақаларда 16 та ўйинда майдонга тушди. Норвегиялик тўпурар ҳисобида 22 та гол ва 3 та голли узатма бор.
