"Барселона" ҳужумчи Лионель Мессини жамоага қайтариш устида ишламоқда, деб ёзади BBC журналисти Гильем Балаге.
Каталония клуби вакиллари Мессининг атрофидагилар билан алоқа ўрнатишга астойдил ҳаракат қилмоқда, бироқ аргентиналик футболчига яқин одамлар бу уринишларга жуда совуққонлик билан қарашмоқда.
Мессининг фикрича, Каталония клуби унинг шартномасини 2021 йилда узайтириш бўйича музокаралар барбод бўлгач, унга “хиёнат қилган”. Ҳужумчининг "ПСЖ" билан амалдаги шартномаси 2023 йилнинг июн ойи охиригача амал қилади.
Месси 2004 йилдан 2021 йилгача "Барселона" ўйинчиси бўлган. Клуб таркибида аргентиналик футболчи ўн марта Испания чемпиони, саккиз марта Суперкубоги, 7 марта мамлакат кубоги соҳиби бўлган. Шунингдек, ҳужумчи 4 марта Чемпионлар лигаси ва уч марта УЕФА Суперкубогини қўлга киритган.
