"Манчестер Сити" бош мураббийи Пеп Гвардиола "Милан" ҳужумчиси Златан Ибраҳимовичнинг Англия жамоаси ҳужумчиси Эрлинг Холанд ҳақидаги сўзларига муносабат билдирди. Шведнинг фикрича, испаниялик мутахассиснинг худбинлиги норвегияликнинг футболчи сифатида ўсишига тўсқинлик қилиши мумкин.
“Златан мутлақо ҳақ. Бу клубда менинг эгоим ҳамма нарсадан устун. Эрлиннинг учта гол уриши менга ёқмайди. Мен жуда рашкчиман", - дея Гвардиола сўзларини келтирган BBC.
2022/23 йилги мавсумда Холанд “Манчестер Сити” сафида барча мусобақаларда 16 та ўйинда майдонга тушиб, 22 та гол урди ва 3 та голли узатмани амалга оширди. Унинг клуб билан шартномаси 2027 йилнинг ёзига қадар мўлжалланган.
