"Рома" хўжайини Дэн Фридкин бош мураббий Жозе Моуриньо билан шартномани узайтирмоқчи.
La Gazette Dello Sport нашрининг хабар беришича, Фридкин 2025 йилгача бўлган янги шартнома бўйича таклиф тайёрламоқда. Қайд этилишича, Моуриньо жамоани кучайтириш учун кафолатларга эга бўлишни истайди, "Рома" хўжайини эса ёзда таркибни кучайтиришга сармоя киритишга тайёр.
59 ёшли португалиялик мутахассиснинг “Рома” билан амалдаги шартномаси 2024 йилгача амал қилади.
Аввалроқ “Рома” Европа лигасининг плей-офф босқичига йўлланмани қўлга киритиб, “C” гуруҳида иккинчи ўринни эгаллаган эди. Плей-оффга қуръа ташлаш маросими 7 ноябрь куни Ньондаги Европа футбол уйида бўлиб ўтади.
"Рома" Италия чемпионатида 12 ўйиндан кейин 25 очко билан тўртинчи ўринда бормоқда.
