"Манчестер Сити" бош мураббийи Хосеп Гвардиола ярим ҳимоячи Родрининг ўйини борасидаги ўз фикрлари билан ўртоқлашди.
“У олдинга катта қадам ташлади. Родри - жамоамизнинг муҳим қисми. У муҳим учрашувларда жиддий иштирок этади. Унинг ўйинидан мамнунман. Ҳозирда Родри "Манчестер "Сити"нинг энг яхши футболчиларидан бири", — деди испаниялик мутахассис "шаҳарликлар" матбуот хизматига.
26 ёшли испаниялик футболчи жорий мавсумда 18 та ўйинда майдонга тушиб, 3 та голли узатмани амалга оширган. Родрининг инглиз клуби билан амалдаги шартномаси 2026 йилнинг ўрталарига қадар тузилган.
