"Арсенал" клуби яримҳимоячиси Аарон Рэмси клуб билан шартномасини узайтиришни истамаётган жамоа сардори Робин ван Персининг "канонирлар" сафида қолишига умид қилмоқда.
"У ўтган мавсумда ажойиб ўйин кўрсатди ва Робин биз учун муҳим ўйинчи. Биз унинг жамоада қолишига умид қиляпмиз. Нима бўлаётганидан хабаримиз йўқ, аммо умидимизни узганимиз йўқ", - дейди Рэмси Британия матбуотига.
Эслатиб ўтами, ўтган мавсумда 37 та тўп киритган ҳужумчининг шартномаси бир йилдан сўнг ниҳоясига етади, янгисини эса имзолашни истамаяпти. Ван Персига бош харидорлар "МЮ", "МС" ва "Ювентус" клубдари бўлиб турибди.