"Бавария" ҳужумчиси Томас Мюллер фақат келаси ҳафта охирида "Шальке"га қарши ўйинда майдонга қайтади. Бу ҳақда журналист Кристиан Фалк ижтимоий тармоқларда хабар берди.
Мюллер жароҳати туфайли Германия чемпионатининг бугунги “Герта” билан бўлиб ўтадиган ўйинда “Бавария”га ёрдам бера олмайди.
Эслатиб ўтамиз, келаси ҳафтада бўлиб ўтадиган "Шальке"га қарши ўйин "Бавария" учун Жаҳон чемпионати сабабли юзага келадиган танаффус олдидан сўнгги бўлади. Мюллер Германия терма жамоаси таркибида Қатарга йўл олади.
Томас жорий мавсум Бундеслигада 2 та гол урди ва 3 та голли узатмани амалга оширди.
