"Тоттенхэм" мураббийи Антонио Контенинг фикрича, унинг жамоаси АПЛ доирасида "Ливерпул"га (1:2) қарши ўйинда кўпроқ нарсага ҳақли эди.
"Қизиллар" танаффусга қадар жавобсиз иккита гол уришган бўлса, иккинчи бўлимда "шпорлар" фақат битта гол билан жавоб қайтарди.
“Бугунги ўйиндаги мағлубиятимизни изоҳлаш қийин. Биринчи бўлимдан кейин ҳам ўйинимиз ва футболчиларнинг кайфиятидан мамнун бўлдим. Учрашувнинг боришини ҳисобга олсак, рақиб 2:0 ҳисобида олдинга қандай чиққанини билмайман.
Биз иккинчи бўлимда ажойиб кўриндик, аммо "Ливерпул" дарвозабони бир нечта сейвларни амалга оширди. Натижага қарамай, шундай кучли рақиб билан ўйинда бундай ўйин ғурурга сабаб бўлади", - деди Конте Sky Sports нашрига берган интервюсида.
