"Монако"да ижара асосида ўйнаётган "Бавария" дарвозабони Александр Нюбель келаси ёзда немис клубига қайтмайди. Бу ҳақда мюнхенликлар спорт директори Ҳасан Салихамиджич маълум қилди.

"Нойер аниқ яна икки-уч йил ўйнайди ва Свен Улрайх ҳам у ерда бўлади. Нюбель 2023 йилда қайтиб келмайди. Биз Алекс билан режаларимиз ҳақида гаплашдик, қайсидир нуқтада қарор қабул қилишимиз керак", - дея Салихамиджичнинг сўзларини келтиради Sky Sports.

Жорий мавсумда 26 ёшли дарвозабон "Монако" сафида 22 та ўйин ўтказиб, ўз дарвозасидан 30 та гол ўтказиб юборган ва 6 бор ўз дарвозаси дахлсизлигини сақлаб қолган.