Ярим ҳимоячи Эден Азар қишки трансфер ойнасида “Реал”ни тарк этишга тайёр, дея хабар беради Marca.
Футболчи бош мураббий Карло Анчелотти қўл остидаги таркибга кира олмаслигини тушуниб етди. У барқарор ўйин амалиётига эга бўладиган жамоага ўтмоқчи.
31 ёшли бельгиялик футболчининг Мадрид клуби билан шартномаси 2024 йилнинг ёзига қадар мўлжалланган. Transfermarkt портали футболчининг нархини 7,5 миллион еврога баҳоламоқда.
Жорий мавсумда ярим ҳимоячи испан клуби сафида 6 та ўйин ўтказиб, барча мусобақаларда битта гол урди ва битта голли узатмани амалга оширди.
Эслатиб ўтамиз, "Реал Мадрид" 2019 йилда Азар трансфери учун 110 миллион евродан ортиқ маблағ тўлаган, бу бельгияликни "қаймоқранглилар" тарихидаги энг қиммат футболчига айлантирганди.
