Yarim himoyachi Eden Azar qishki transfer oynasida “Real”ni tark etishga tayyor, deya xabar beradi Marca.

Futbolchi bosh murabbiy Karlo Anchelotti qo‘l ostidagi tarkibga kira olmasligini tushunib yetdi. U barqaror o‘yin amaliyotiga ega bo‘ladigan jamoaga o‘tmoqchi.

31 yoshli belgiyalik futbolchining Madrid klubi bilan shartnomasi 2024 yilning yoziga qadar mo‘ljallangan. Transfermarkt portali futbolchining narxini 7,5 million yevroga baholamoqda.

Joriy mavsumda yarim himoyachi ispan klubi safida 6 ta o‘yin o‘tkazib, barcha musobaqalarda bitta gol urdi va bitta golli uzatmani amalga oshirdi.

Eslatib o‘tamiz, "Real Madrid" 2019 yilda Azar transferi uchun 110 million yevrodan ortiq mablag‘ to‘lagan, bu belgiyalikni "qaymoqranglilar" tarixidagi eng qimmat futbolchiga aylantirgandi.