"Манчестер Сити"нинг саккизта зўрлаш, битта жинсий зўравонлик ва битта зўрлашга уринишда айбланган франциялик ҳимоячиси Бенжамин Менди душанба куни Честер Кровн судида биринчи марта гувоҳлик берди.
28 ёшли футболчи жабрланувчилар билан уларнинг розилигисиз жинсий алоқада бўлмагани, унинг уйига қизларнинг ўзлари келганини айтди. Бундан ташқари, Франция терма жамоаси билан ЖЧ-2018да ғолиб чиққан Менди ижтимоий тармоқларда кўплаб хабарлар ола бошлаганини ва бу унинг учун янгилик бўлганини тан олди.
Менди қизлар билан "тўғридан-тўғри" гаплашгани ва "Манчестер Сити" билан шартнома имзолаганидан кейин қизлар у билан 10 марта тез-тез боғлана бошлаганини тушунтирди. "Мен Бред Питт эмаслигимни биламан ва қизлар менга ташқи кўринишим учун хат ёзишмаганини биламан", - дейди футболчи.
Менди 2021 йил августида ҳибсга олинган. У 2018 йилдан 2021 йилгача содир этилган жиноятларда айбланмоқда.
