Халқаро футбол федерацияси (ФИФА) ва Европа футбол уюшмалари иттифоқи (УЕФА) Россия ва Тожикистон терма жамоаси ўртасида ўртоқлик ўйини ўтказилишини маъқуллади. Ўйинни ташкил қилиш учун рухсат берилган, учрашув натижаси ФИФА рейтингида ҳисобга олинади.
"Биз УЕФА ва ФИФАдан рухсат олдик. Учрашувдаги очколар ФИФА рейтингига тушади. Бу ўйинда жамоалар олтита ўзгаришни амалга ошириши мумкин”, — дейилади Тожикистон футбол федерацияси вакили берган баёнотда.
Эслатиб ўтамиз, ноябрь ойидаги йиғин доирасида Россия терма жамоаси иккита - Тожикистон (17 ноябрь) ва Ўзбекистон (20 ноябрь) терма жамоалари билан ўртоқлик учрашуви ўтказади.
Аввалроқ ФИФА ва УЕФА Россия клублари ва терма жамоаларини халқаро мусобақалардан четлатган эди.
