Фабрицио Романонинг сўзларига кўра, "Манчестер Юнайтед" қишда ПСВ ҳужумчиси Коди Гакпо билан шартнома имзолаши мумкин.
Манбага кўра, манкунианликлар 23 ёшли нидерландиялик учун тахминан 50 миллион евро таклиф қилишлари мумкин. "Манчестер Юнайтед"нинг фикрича, бу сумма ўтган ёзда Гакпони АПЛнинг бир қатор клубларига 30 миллион еврога сотишдан бош тортган ПСВга мос келиши керак.
Гакпо жорий мавсумда ПСВ сафида 23 та ўйинда майдонга тушиб, 13 та гол урди ва 17 та голли узатмани амалга оширди.













