Fabrisio Romanoning so‘zlariga ko‘ra, "Manchester Yunayted" qishda PSV hujumchisi Kodi Gakpo bilan shartnoma imzolashi mumkin.
Manbaga ko‘ra, mankunianliklar 23 yoshli niderlandiyalik uchun taxminan 50 million yevro taklif qilishlari mumkin. "Manchester Yunayted"ning fikricha, bu summa o‘tgan yozda Gakponi APLning bir qator klublariga 30 million yevroga sotishdan bosh tortgan PSVga mos kelishi kerak.
Gakpo joriy mavsumda PSV safida 23 ta o‘yinda maydonga tushib, 13 ta gol urdi va 17 ta golli uzatmani amalga oshirdi.
