Антонио Кассано яна бир бор унинг тили суяксиз эканлигини тасдиқлади.

У "Милан" ва Италия терма жамоасининг собиқ футболчиси Алессандро Костакуртанинг фикрига кескин изоҳ бериб, уни "ҳеч нарсани тушунмайдиган аҳмоқ" деб атади. Бу Костакуртанинг "Ювентус"нинг ёш футболчилари Фаджоли ва Миреттини "Барселона" футболчиси Гави билан таққослаганидан кейин содир бўлди.

Костакуртанинг жавоби дипломатикроқ бўлди, аммо кўп вақт талаб қилмади.

"Ҳурматли Антонио, сиз ва мен бошқачамиз, биз нарсаларга бошқача қараймиз, бошқача ўйлаймиз, бошқача мулоқот қиламиз, чунки биз турли китобларни ўқиймиз, - деб жавоб қайтарди Костакурта Кассанога.