"Манчестер Юнайтед" Дортмунднинг "Боруссия" клуби ярим ҳимоячиси Жуд Беллингем учун курашмасликка қарор қилди.
AS нашрининг хабар беришича, "Манчестер Юнайтед" трансфер мақсадларини ўзгартирган. “Қизил иблислар” бор эътиборини Криштиану Роналдунинг ўрнига янги ҳужумчи топишга қаратишга қарор қилди.
Шу тариқа, "Реал" ва "Ливерпуль" Беллингемга даъвогарлар рўйхатида қолишди.
19 ёшли Жуд жорий мавсумда Бундеслиганинг 14 та ўйинида 3 та гол ва ассистентлик қилган. Ярим ҳимоячининг трансфер нархи 90 миллион еврони ташкил қилади. Англиялик футболчининг дортмундликлар билан шартномаси 2025 йилгача мўлжалланган.
