Лондоннинг "Арсенал" клубининг собиқ сардори, айни пайтда АҚШнинг "Нью Йорк Ред Буллс" жамоасида тўп сураётган франциялик машҳур ҳужумчи Тьерри Анри "Арсенал"га футболчи сифатида бошқа қайтмаслигини айтиб ўтди.
"Мен айни пайтда фаолиятимни қаерда якунлашимни билмайман. Шунчаки уни муносиб якунлашни истайман.
"Мен "Арсенал"га футболчи сифатида қайтмайман. Буни аниқ биламан. Фаолиятимни якунлагач мураббий бўлиб ишлашни хоҳлар эдим. Ҳозирдан бир нарса дея олмайман, аммо менинг орзуим айнан "Арсенал"да мураббий бўлиб ишлаш.
Очиғини айтсам, бу ҳақда, мураббийлик фаолиятим ҳақида ҳозир ўйламаяпман, дейди Анри The Telegraph нашрига берган интервьюсида.
