"Арсенал" бош мураббийи Микел Артета "Барселона" раҳбариятининг эътиборини тортди, деб хабар беради TEAMtalk.
Манбага кўра, "кўк-анорранглилар" 40 ёшли мутахассисни қаторасига иккинчи йил Чемпионлар лигаси гуруҳ босқичидан ўта олмаган жамоанинг амалдаги бош мураббийи Хави Эрнандесга ўринбосар сифатида кўрмоқда. Шунингдек, Хосеп Гвардиоланинг ёрдамчиси бўлиб ишлаган Артетанинг хизматларига "Манчестер Сити" ҳам қизиқиш билдирмоқда.
Ўтказилган 14 та ўйиндан сўнг “Арсенал” энг яқин таъқибчиси “Манчестер Сити”дан 5 очко олдинда, АПЛ турнир жадвалида пешқадамлик қилмоқда. Артета "канонирлар"ни 2019 йилнинг декабридан бери бошқариб келмоқда.
