ФИФА президенти Йозеф Блаттернинг айтишича, яқин кунларда ташкилот "Тоттенҳэм" ярим ҳимоячиси Гарет Бэйлни маълум муддатга дисквалификация қилиш масаласини кўриб чиқади.
"Агар клуб футболчини олимпиадага қўйиб юбормаса, футбол асосцияцияси бизга бу борада мурожаат қилиши мумкин. Аммо, ҳозирча ҳеч ким бизга бу борада мурожаат қилмаган"
"Биз яқин кунларда футболчини маълум муддатга четлатиш масаласини кўриб чиқамиз, агар бу лозим бўлса, албатта", - дейди Блаттер ташкилот расмий сайтига берган интервьюсида.
Эслатиб ўтамиз, ўтган ҳафтада Гарет Бэйл Лондон олимпиадасида иштирок этадиган Бую Британия терма жамоаси таркибидан чиқариб ташланган эди. Бу сабаб сифатида футболчининг жароҳат олгани кўрсатилган эди. Аммо, футболчи кеча "Тоттенҳэм" таркибида "Лос Анжелес Гелэкси" клубига қарши ўртоқлик учрашувида майдонга тушган. Бу эса футбол жамоатчилиги томонидан кескин муҳокамаларга сабаб бўлган.
