Италия чемпионатининг ўн бешинчи туридан ўрин олган учрашувда «Рома» «Торино» билан баҳсда мағлубиятдан аранг қутулиб қолди.
Неманья Матич 93-дақиқанинг 24-секундида пойтахт клубини қутқарувчи голни уришга муваффақ бўлди.
Маълум бўлишича, бу жамоани Луис Энрике бошқарган кунлардан бери - 2011 йилнинг сентябридан бери «Рома»нинг уйдаги қўшимча вақтларда киритган ягона голи бўлди.
Ўшанда Даниэле де Росси 96-дақиқада кальярилик меҳмонлар дарвозасига гол урганди. Бу Матичнинг жорий мавсумдаги биринчи голи бўлди. Кейинги турда «Рома» ўз уйида «Болонья»ни қабул қилади, аммо бу келаси йилнинг 4 январида бўлиб ўтади.
