"Будё-Глимт" клубининг россиялик дарвозабони Никита Хайкин қишда Англия Премьер-лигаси клуби футболчисига айланиши мумкин.
Гап "Эвертон" ҳақида кетмоқда. Спорт24 хабарига кўра, трансферга шахсан жамоа устози Френк Лэмпард қизиқмоқда. Қайд этилишича, Хайкин аввал ҳам Лондоннинг "Челси" клубида мураббийлик қилаётган пайтлари Лэмпард билан гаплашган.
27 ёшли дарвозабоннинг Норвегия жамоаи билан шартномаси шу йил охирида якунига етади. Никита 2019 йилдан бери "Будё-Глимт"да ўйнаб келмоқда ва маҳаллий чемпионатнинг жорий мавсумидан сўнг клубни тарк этишини эълон қилди.
