"ПСЖ" ҳимоячиси Преснел Кимпембе 2022 йилда Қатарда бўлиб ўтадиган жаҳон чемпионатини ўтказиб юборади, деб хабар бермоқда Франция футбол федерацияси матбуот хизмати. Унинг ўрнини "Монако"нинг марказий ҳимоячиси Аксел Дисаси эгаллайди.
Ноябрь ойи бошида Кимпембе Ахиллес тендонида муаммоларга дуч келди.
24 ёшли Дисаси жорий мавсумда “Монако” сафида 23 та ўйинда майдонга тушиб, 3 та гол урди ва 4 та голли узатмани амалга оширди.
Жаҳон чемпионати 20 ноябрдан 18 декабрга қадар Қатарда бўлиб ўтади. Гуруҳ босқичида французлар Австралия, Дания ва Тунис терма жамоаларига қарши баҳс олиб боради.
