"Манчестер Юнайтед" ҳужумчи Криштиану Роналду интервьюсидан сўнг унинг шартномасини бекор қилиш вариантларини кўриб чиқмоқда, деб хабар беради The Telegraph.

Манбанинг хабарига кўра, агар футболчи мавсум якунига қадар унга тегишли тўловларни талаб қилмаса, клуб у билан шартномани бекор қилиши мумкин. Клуб футболчи шу тариқа жамоадан қасос олишга ҳаракат қилишидан хавотирда. Қайд этилишича, "Манчестер Юнайтед" Роналду билан муносабатларни янада ёмонлаштирмоқчи эмас, лекин у энди жамоа вакили бўлмаслигига рози.

Якуний қарор қабул қилинишидан олдин, клуб яқин орада пайдо бўлиши керак бўлган интервьюнинг тўлиқ версиясини кутмоқчи. Агар янги ҳолатлар юзага келса, "ишончнинг назарда тутилган мажбуриятини потенциал бузиш" муносабати билан шартномани бекор қилиш варианти мумкин.

Олдинроқ The Sun нашри Роналду билан интервьюсини эълон қилиб, у "Манчестер Юнайтед" бош мураббийи Эрик тен Хагни ҳурмат қилмаслигини, чунки бунинг эвазига ҳурмат кўрсатмаслигини айтган эди. Шундан сўнг клуб баёнот берди.

Португалиялик футболчи жорий мавсумда инглиз клуби сафида 16 та ўйинда майдонга тушиб, 3 та гол урди ва 2 та голли узатмани амалга оширди.