«Наполи» бош мураббийи Лучано Спалетти жамоа билан янги шартнома имзолаши мумкин. Бу ҳақда нуфузли журналист Николо Скира ўзининг Твиттер саҳифасида хабар берди.

Манба берган хабарга кўра, неаполликлар раҳбарияти 63 ёшли мутахассис билан шартномани узайтириш устида ишламоқда.

Жамоа шартномани 2024 йилгача узайтириш бандини фаоллаштириши мумкин, бироқ италиялик билан меҳнат муносабатларини 2025 йилгача давом эттириш борасида келишиб олиш ниятида.

Жорий мавсумда «Наполи» 41 очко билан А Серия турнир жадвалида пешқадамлик қилмоқда.

Спалеттининг ўзи 2021 йилнинг май ойидан буён ушбу клубни бошқариб келмоқда.