"Наполи" хўжайинлари бош мураббий Лучано Спалетти қўл остида жамоанинг жорий мавсумдаги натижаларидан мамнун. Ижтимоий тармоқ инсайдери Николо Скиранинг ёзишича, неаполликлар 63 ёшли мураббий билан ҳамкорликни кенгайтиришга тайёр.

Клуб раҳбарияти Спалетти билан 2025 йилнинг ўрталаригача мўлжалланган янги шартнома имзолаш бўйича музокара олиб боришни режалаштирмоқда. Унинг амалдаги шартномаси жорий мавсум охирида якунига етади.

Италия чемпионатининг жорий мавсумини 15-тури натижаларига кўра, “Наполи” энг яқин таъқибчисини саккиз очкога ортда қолдириб, ишончли тарзда пешқадамлик қилмоқда.