"Барселона" президенти Жоан Лапорта клуб ҳужумчи Усмон Дембеле билан янги шартнома борасида музокараларни режалаштираётганини айтди.
“Усмон жамоадан мамнун ва жуда мотивацион ҳолатда. Шартномани янгилаш ҳақида гаплашишга вақтимиз бўлади", - дея Лапортанинг сўзларидан иқтибос келтирган журналист Фабрицио Романо.
25 ёшли франциялик футболчининг “Барселона” билан амалдаги шартномаси 2024 йилнинг июнигача мўлжалланган.
Дембеле жорий мавсумда барча турнирларда 20 та ўйинда майдонга тушиб, 5 та гол урди ва 7 та голли узатмани амалга оширди.
Transfermarkt футболчининг нархини 60 миллион еврога баҳоламоқда.
