“Манчестер Юнайтед” ва Англия терма жамоасининг собиқ ҳужумчиси Уэйн Руни Криштиану Роналдунинг у ҳақидаги сўзларидан ҳайратда, бироқ оммага изоҳ бериш ниятида эмас, деб хабар бермоқда Sky Sports. Бундан ташқари, Рунида португалияликка нисбатан душманлик ҳисси йўқлиги қайд этилган.
Роналду аввалроқ Руни ўзининг узоқ ўйинчилик фаолиятига ҳасад қилгани учун уни танқид қилишини айтганди. Криштиану, шунингдек, собиқ жамоадошидан яхшироқ кўринишини таъкидлади.
Шу билан бирга, Уэйн Роналду ва Лионель Мессини футбол тарихидаги энг яхши икки футболчи деб билишини қўшимча қилди.
