Португалиялик ҳужумчи Криштиану Роналду шу дам олиш кунлари Қатарда бошланадиган 2022 йилги жаҳон чемпионати ҳақида гапирди.
“Мақсадимиз ғалаба қозониш. Мен жамоамизга ишонаман, биз буни уддалай оламиз. Лекин бизда кучли рақиблар кўп, уларнинг таркибида ажойиб ўйинчилар бор. Шундай экан, майдонда концентрацияни сақлаб қолишимиз керак. Ўйлайманки, бу турнирда келажакда ўйинга таъсир кўрсатадиган янги юлдузлар пайдо бўлади", - дея 37 ёшли футболчининг сўзларини келтиради APnews.
Португалия терма жамоаси жаҳон чемпионатининг "H" гуруҳида Гана, Уругвай ва Жанубий Кореяга қарши баҳс олиб боради.
