Ўзбекистонлик ярим ҳимоячи Умарали Раҳмоналиев «Рубин»га ўтди, деб хабар бермоқда Қозон клуби телеграм-канали.

«Август ойида «Рубин» ўзбекистонлик 19 ёшли ярим ҳимоячи Умарали Раҳмоналиевни 3,5 йил муддатга клубга ўтказиш бўйича келишувга эришганди.

Футболчининг «Бунёдкор» билан шартномаси 31 декабрь куни якунига етади. Жорий мавсумда 19 ёшли Раҳмоналиев «Бунёдкор» сафида 25 та ўйин ўтказиб, 7 та гол уришга эришди.

«Рубин» 18 учрашувдан сўнг 31 очко билан Биринчи лига турнир жадвалида бешинчи ўринда бормоқда. 2022 йилда Қозон яна иккита ўйин ўтказади: «Уфа» (20 ноябрь) ва «Нефтехимик» (26 ноябрь).