Англия терма жамоаси дарвозабони Аарон Рамсдейл ЖЧ-2022 стадионларида алкоголли пиво сотиш тақиқлангани ҳақидаги хабарга муносабат билдирди.
“Умид қиламанки, биз майдонда уларга пивосиз кўп ҳис-туйғуларни бахш этадиган тарзда ўйин кўрсата оламиз. Ўйлайманки, мухлислар пиво ичишнинг қандайдир йўлини топадилар. Аммо, назаримда, бу уларга ўйин давомида керак эмасдек... Биз ҳам қоидаларни ҳурмат қилишимиз ва ишлашда давом этишимиз керак”, — деди Рамсдейл.
Бугун, 18 ноябрь куни Қатар ҳукумати ЖЧ-2022 ўтказиладиган стадионларда пиво сотишни тақиқлагани маълум бўлди. Бу қироллик оиласининг талаби эканлиги ҳам қайд этилди.
