Дания терма жамоаси ва "Манчестер Юнайтед"нинг ҳужумкор ярим ҳимоячиси Кристиан Эриксен яна "Интер"даги ўйинларини эслади.
Футболчи юраги билан боғлиқ муаммолар туфайли Милан клубини тарк этишга мажбур бўлди. Кейинчалик даниялик футболчи Англиянинг "Брентфорд" клуби билан шартнома имзолади ва 2022 йилнинг ёзида у "Манчестер Юнайтед"га ўтди.
"Италияда "Интер" билан ажойиб вақтларни ўтказдим ва у ерда фаолиятимни давом эттирмоқчи эдим. Клубда ҳаммаси менга мос эди, оилам қулай яшарди. Кетиш жуда ачинарли эди, лекин бу футбол. "Интер" мен учун ўзига хослигича қолмоқда", - дея "нерадзуррилар" сафида 60 та ўйин ўтказган футболчининг сўзларидан иқтибос келтирмоқда журналист Жанлука ди Марцио.
