Франция терма жамоаси бош мураббийи Дидье Дешам ҳужумчи Карим Бенземанинг жароҳати ҳақида фикр билдирди, бу футболчининг ЖЧ-2022да иштирок этишига халақит беради.
“Бу жаҳон чемпионати асосий мақсад бўлган Карим учун жуда хафаман. Ушбу янги жароҳатга қарамай, мен ўз жамоамга тўлиқ ишонаман. Бизни кутаётган улкан синовни енгиш учун ҳамма нарсани қиламиз", - дея Дешам сўзларини келтиради Франция футбол федерацияси расмий сайти.
34 ёшли франциялик футболчига чап сон мушаклари жароҳати ташхиси қўйилган, бу эса футболчининг ЖЧ-2022да иштирок этишига имкон бермайди. Шунингдек, Кристофер Нкунку, Преснел Кимпембе, Майк Меньян, НГоло Канте ва Поль Погба жароҳати сабаб турнирни ўтказиб юборади.
