Франция терма жамоаси ҳужумчиси Килиан Мбаппе жароҳати сабаб Қатарда бўлиб ўтадиган ЖЧ-2022ни ўтказиб юборадиган жамоадоши Карим Бенземани қўллаб-қувватлади.
"Куч", - деб ёзди Мбаппе Бенземанинг 2022 йилги жаҳон чемпионатини ўтказиб юбориш ҳақидаги пости остидаги изоҳларда.
Эслатиб ўтамиз, аввалроқ Бензема жароҳатидан фориғ бўлиб, индивидуал тарзда шуғулланаётгани малум бўлганди. 19 ноябрь куни ҳужумчи шериклар сафига қўшилди, бироқ мушакларидан янги жароҳат олди ва машғулотни якунлай олмади. Шундан сўнг, Франция терма жамоаси футболчининг ЖЧ-2022ни ўтказиб юборишини маълум қилди.
Франция терма жамоаси Австралия, Дания ва Тунис билан битта гуруҳда ўйин ўтказади. Жамоа турнирдаги илк учрашувини 22 ноябрь куни ўтказади. Эслатиб ўтамиз, Франция терма жамоаси турнирнинг амалдаги ғолиби ҳисобланади.
