Туриннинг "Ювентус" клуби ва Франция терма жамоаси ярим ҳимоячиси Адриан Рабьо бўлажак жаҳон чемпионати фаворитлари номини тахмин қилди.

"Аргентина фаворитлардан бири. Бу нафақат Месси учун сўнгги жаҳон чемпионати, балки улар тўғри муносабатда бўлган сифатли жамоа эканлиги учун ҳам. Нидерландиядан ҳам эҳтиёт бўлиш керак. Мен "Ювентус" учун ҳар бир ўйинга қўлимдан келганча ўйнаб, жамоани шоҳсупага қайтариш учун тайёрландим, жаҳон чемпионати ҳақида кўп ўйламагандим. Мен ҳам жисмонан, ҳам руҳий жиҳатдан энг яхши формадаман, деб ўйлайман", - деди Рабьо La Gazzetta dello Sport билан суҳбатда.

Франция гуруҳ босқичида Тунис, Австралия ва Дания билан куч синашади.