Нидерландия терма жамоаси бош мураббийи Луи ван Гал 2022 йилги жаҳон чемпионатидаги кайфияти ҳақида гапирди.
"Мен ушбу турнирда ғалаба қозонишга қарор қилдим. Жамоа бундай натижага эриша олмаслиги мумкин, лекин шахсан менга доим мақсад керак. Баъзилар мени жуда шуҳратпараст деб ўйлашлари мумкин, лекин аслида бу шундай ишлайди. Мен ўз шогирдларимга ишонаман, футболда омад кўп нарсани ҳал қилади ва менга одатда омад кулиб боқади", - деди Ван Гал ФИФА матбуот хизматига.
Нидерландия терма жамоаси жаҳон чемпионатининг гуруҳ босқичида Қатар, Эквадор ва Сенегал терма жамоалари билан учрашади.
Жаҳон чемпионати 20 ноябрдан 18 декабрга қадар бўлиб ўтади.
