Португалия терма жамоасининг яримҳимоячиси Рикарду Куарежма "Бешиктош" клуби раҳбариятини танқид қилиб чиқди. Клуб раҳбарияти катта маоши туфайли у билан хайрлашмоқчи.
Айни пайтда футболчи асосий жамоа билан бирга шуғулланишдан четлатилган.
"Клуб нотўғри иш тутяпти. Бу ҳақда ҳеч ким мен билан суҳбатлашгани йўқ. Мен ўзимни ҳар доим яхши тутганман, клуб эса бунга муносиб жавоб бермаяпти.
Мен ҳар доим клуб учун қўлимдан келганини қилганман, аммо раҳбариятнинг бу муносабатини тушунмаяпман. Бу шармандалик. Клуб машғулотлар учун менга жиҳозлар бермаяпти. Баъзан барча нарсаларни олишим учун ярим соатлаб кутиб қоляпман", - дейди Куарежма.