"Манчестер Сити" "Борнмут" вингери Антуан Семеньо трансфери устида фаол иш олиб бормоқда.
Сўнгги 12 соат ичида "шаҳарликлар" вакиллари 25 ёшли футболчи бўйича музокараларда муваффақиятга эришиш учун "катта саъй-ҳаракатлар" қилди, дея хабар бермоқда инсайдер Фабрицио Романо. Спорт директори Угу Виана ганалик билан тўғридан-тўғри алоқада бўлиб турибди. "Манчестер Сити" клуби якуний жавобни имкон қадар тезроқ олишга умид қилмоқда.
Семеньога "Манчестер Юнайтед" ҳам қизиқиш билдирмоқда, "Ливерпуль" вазиятни кузатишда давом этмоқда. "Челси" пойгадан чиқиб кетди, бу ҳақда аввалроқ Англиядаги манбалар хабар берганди.
"Гилослар" юлдузининг трансфери деярли 75 млн еврога тушади.
