Мадриднинг "Реал" клуби ҳужумчиси Килиан Мбаппе жамоа таркибига франциялик юлдуз футболчи келишини истамоқда.
L'Equipe нашри хабарига кўра, Килиан ҳозирда "Бавария" сафида ҳаракат қилаётган Майкл Олисени "Реал"га чақирган. 24 ёшли французга Англиянинг бир қатор грандлари ҳам даъвогарлик қилмоқда.
Олисе ҳозирда Transfermarkt порталида 130 миллион еврога баҳоланмоқда. Унинг шартнома муддати 2029 йил ёзигача мўлжалланган.
Француз жорий мавсумда жами 25 та ўйинда 10 та гол уриб, 14 та голли узатма амалга оширди.
