«Манчестер Сити» футболчиси Абдуқодир Ҳусановнинг агенти Ғайрат Ҳасбиуллин ўз мижози учун 2025 йил якунларини сарҳисоб қилди.
«Абдуқодир учун бу йилни жуда яхши деб баҳолаш мумкин: у Франция чемпионатидан Англия Премьер-лигасига катта сакраш қилди. Футболчи “Манчестер” асосий таркибида ўз ўрнини топди, Ўзбекистон терма жамоаси билан жаҳон чемпионатига чиқди. Ҳозир у мунтазам ўйин амалиётига эга бўлмоқда, бу эса ёш футболчи учун жуда муҳим», — дея Ҳасбиуллиннинг сўзларини «Советский спорт» келтиради.
Ҳусанов «Манчестер Сити» сафига 2025 йил январь ойида қўшилиб, 2029 йилгача мўлжалланган шартнома имзолаган. У клуб ва Англия Премьер-лигаси тарихидаги илк ўзбек футболчисига айланди. Маълумотларга кўра, трансфер суммаси бонусларсиз 40 миллион еврони ташкил этган.













