"Челси" сардори Жон Терри Дидье Дрогбанинг кетганлигига қарамай, клуб ўз салоҳиятини йўқотмаган деб ҳисоблайди.
Ҳимоячи чемпионлар лигаси ғолибларининг таркиби кучайиши учун Эден Азар, Оскар ва Марко Маринларни сотиб олишга 65 млн еврони аямаган клуб хўжайини Роман Абрамович шаънига ҳам илиқ гаплар айтди.
"Ҳа, кўп пул сарфланди, аммо чемпионлар лигасида ғолиб чиққанимиздан сўнг салоҳиятимизни йўқотмаслигимиз керак ва бизнинг бундай ишларга тайёр хўжайинмиз бор. У машғулотларимизга ташриф буюриб, бизнинг қандай шуғулланаётганимиз ва клубда нималар бўлётганини билан қизиқади. Буни кўриш биз учун ҳам, янги ўйинчилар учун ҳам жуда ёқимли", - дея Террининг сўзларини келтиради Англия матбуоти.