Афсонавий украин футболчиси Андрей Шевченко сиёсатга қадам қўяркан, сиёсий фаолияти туфайли собиқ жамоадоши Каладзенинг муаммоларга дуч келгани уни қўрқитмаслигини айтди.

Эслатиб ўтамиз, Грузиядаги мухолиф коалициясининг етакчиси бўлган Кахабер Каладзенинг банкдаги ҳисобрақамлари музлатиб қўйилган эди.

"Ҳозирча, сиёсатнинг қайси йўналишида фаолият олиб бораман, буни ошкор қилмайман. Ҳа, мен Каха Каладзенинг ҳисобрақамлари унинг сиёсий фаолияти туфайли музлатиб қўйилганини эшитдим. Умид қиламан, мен билан бундай иш содир бўлмайди. Менинг ҳамма нарсам ишончли жойда", - дейди Шевченко.