Сенегал термаси ва "Бавария" клуби вингери Садио мане муваффақиятли операция қилинганини айтди.

"Кўпларингиз жароҳатимдан кейин менга қўллаб-қувватлаш хабарларини юбордингиз. Худога шукур, ҳафта ўртасида қилган операциям муваффақиятли ўтди. Фурсатдан фойдаланиб, барчангизга ўз миннатдорчилигимни изҳор этмоқчиман.

Шу душанба куни азиз юртимиз жаҳон чемпионатида юришни бошлайди. Ишончим комилки, "шерлар" (Сенегал) ўзидан ўтиб кетишади ва ҳар бир учрашувга худди ҳақиқий финалдек ёндашадилар.

Ишончим комилки, барча сенегалликлар бизнинг мард жамоамизни қўллаб-қувватлаш ва рағбатлантириш учун телевизор қаршисида туришади. Барча мухлислар қатори мен ҳам жамоадошларим бир кишидек кураш олиб боришларига ишонаман", - деди Мане.

Аввалроқ футболчи жароҳат сабаб 3 ойга сафдан чиққанлиги хабар қилинганди.